Friese boekentips

It lytse katsje Eva giet mei har mem en har babybroerke nei de merk. As se der krekt binne, fielt se ynienen dat se hiel noadich nei de wc ta moat!

In eksterpear bout in nêst foar harren prachtige aaikes. Al gau miene se dat in gewoan nêst net goed genôch is en se komme mei fan alles en noch wat oansetten, it spul wurdt hoe langer hoe grutter, sels in auto wurdt nei it nêst tôge, oant…

Sipke komt yn de kunde mei in bekende Fryske sport, nammentlik it keatsen. It jierlikse famyljekeatstoernoai is yn folle gong. Sipke sjocht azemleas ta hoe’t it team fan syn Pake Spitsmûs it opnimt tsjin de iikhoarntsjes.

Tegearre mei syn freonen traint Sipke ûnder lieding fan Pake Spitsmuis foar in wedstriid fierljeppen. In oanrin, de peal yn ’t wetter plantsje, gau omheech klimme en dan… drûch de oare kant út helje! Foar pjutten fan 4 jier ôf.

Mol sjocht in heldere bal oan ‘e himel, en dy sil en moat er ha! Hy besiket fan alles, al sizze syn freontsjes Konijn, Egel en Eekhoorn dat it net kin (‘Je kunt de maan niet pakken, ze is heel ver weg’) jout hy net op.

It knyntsje hat him ferstoppe! Hiele jonge bern sjogge graach troch de gatsjes yn dit boek en kinne de tekstyl op de siden fiele.

De postboade is mei fakânsje en stjoert syn freonen op ‘e buorkerij in kaartsje. Hy leit yn ‘e sinne, yt allegearre lekkere dingen en sjocht bysûndere bisten.‘Fakânsjefiere, dat wol ik ek’, tinkt Joazefine!

Op in dei komt der in famke út in wetterleelje. De hiele dei boartet se mei allegear bisten, mar oan it ein fan de dei geane dy nei hûs. It famke hat gjin hûs.

Akkie is in nijsgjirrich famke dat graach op aventoer giet op it Fryske plattelân. Sy hâldt fan jonge bisten en giet op besite op ’e buorkerij.

De lytse pipermûs Sipke giet der yn de maitiid op út om ljipaaien te sykjen mei syn pake, in echte ‘fjildman’. Se rinne troch de Fryske greiden, kipe oer de sleatsjes lâns en dan fine se in aai. It earste ljipaai!