Friese boekentips

Mol wol de moanne ha

Mol sjocht in heldere bal oan ‘e himel, en dy sil en moat er ha! Hy besiket fan alles, al sizze syn freontsjes Konijn, Egel en Eekhoorn dat it net kin (‘Je kunt de maan niet pakken, ze is heel ver weg’) jout hy net op.

Wêr bisto, lytse knyn?

It knyntsje hat him ferstoppe! Hiele jonge bern sjogge graach troch de gatsjes yn dit boek en kinne de tekstyl op de siden fiele.

Joazefine fiert fakânsje

De postboade is mei fakânsje en stjoert syn freonen op ‘e buorkerij in kaartsje. Hy leit yn ‘e sinne, yt allegearre lekkere dingen en sjocht bysûndere bisten.‘Fakânsjefiere, dat wol ik ek’, tinkt Joazefine!

Prinses Pompebledsje

Op in dei komt der in famke út in wetterleelje. De hiele dei boartet se mei allegear bisten, mar oan it ein fan de dei geane dy nei hûs. It famke hat gjin hûs.

Akkie op ‘e pleats

Akkie is in nijsgjirrich famke dat graach op aventoer giet op it Fryske plattelân. Sy hâldt fan jonge bisten en giet op besite op ’e buorkerij.

Sipke vindt een kievitsei / Sipke fynt in ljipaai

De lytse pipermûs Sipke giet der yn de maitiid op út om ljipaaien te sykjen mei syn pake, in echte ‘fjildman’. Se rinne troch de Fryske greiden, kipe oer de sleatsjes lâns en dan fine se in aai. It earste ljipaai!

De lytse walfisk

De heit fan Boi is fisker en faak fan hûs. Se wenje mei wol seis katten yn in houten hûske deun by de see. Wannear’t de lytse Boi nei in stoarm op it strân in walfiskje fynt, nimt er him mei nei hûs om te fersoargjen.

It grutte famyljeboek

‘It grutte famyljeboek’ is in moai boek ast it ris mei de bern oer famylje hawwe wolst, of as der bygelyks wat feroaret yn de famylje.

Jip en Janneke yn it Frysk

Alle aventoeren fan diel 1 oant en mei 5 fan de ultime beukerfreontsjes Jip en Janneke binne byinoar brocht yn dit boek. Fan ‘Jip en Janneke boartsje tegearre’ oant ‘Dach Jip, Dach Janneke!”

Ynstruminten (diel 2)

Stevich kartonboekje mei lûden dy’t de platen ta libben bringe troch Marion Billet. Wat hearst? Witsto hoe’t in klarinet klinkt? Of in sello?